गणतन्त्र कोरियामा भुमेको रौनक (फोटो फिचर)

नेपाल मगर संघ गणतन्त्र कोरियाले भब्य रूपमा भूमे/भूम्या पर्व मनाएका छन्।नेपाल मगर संघ गणतन्त्र कोरियाको मुख्य व्यवस्थापनमा नेपाल मगर संघ, थेगु शाखा, नेपाल मगर संघ किम्हे/बुसान शाखा,नेपाल मगर संघ जेजु शाखा, DSME मगर समाज गजेदो र अठार मगरात खाम भाषी सम्पर्क मञ्चको संयुक्त आयोजनामा उक्त कार्यक्रम सम्पन्न भएको हो।

“भाषा,धर्म र सँस्कृति नेपालीहरुको विविधता, विविधतालाई बचाई राख्ने हाम्रो गौरवपूर्ण मौलिकता”भन्ने मूल नाराका साथमा कार्यक्रम सम्पन्न भएको आयोजकले जानकारी दिए । विश्वभर छरिएर रहेका मगर समुदायले यो पर्व प्रकृतिको पूजा गरेर मनाउने गर्छन् । प्राकृतिक विपत्ति नआओस्, भूतप्रेत, ग्रहदशा जाउन् बालीनालीमा किरा नलागोस् भनेर मगर समुदायमा हरेक असार १ गतेदेखि भुमे/भूम्या पर्व मनाउने प्रचलन छ । मगर समुदायमा यो पर्वलाई नयाँ आर्थिक वर्षको सुरुवात, सत्ता परिवर्तन, जनगणना गर्ने र युवा युवतीले प्रेम साट्ने समयको रूपमा समेत मनाउने गरिन्छ।