खनाल-नेपाल समूहले ६ बुदे प्रस्ताव अस्वीकार गरे-सगै ओली ले थाले यस्तो..? तयारी ! अब के होला…?

June 8, 2021 मा प्रकाशित (१ साल अघि) अनुमानित पढ्ने समय : १ मिनेट

सत्तारुढ दल नेकपा एमालेभित्रको आन्तरिक वि’वादले अन्ततः पार्टी विभाजनउन्मुख बनेको छ । केपी ओलीले राखेको ६ बुँदे प्रस्ताव माधव पक्षले अस्वीकार गरिसकेको छ । अब केपी ओलीले कस्तो कदम चाल्लान् भन्ने चासो बढेको छ ।फागुन २३ यता एमालेका समूहले भिन्दाभिन्दै राजनीतिक गतिविधि गर्दै आएपछि वि’वाद निरुपण गर्न दुवै पक्षबाट औपचारिक अनौपचारिकरुपमा भएका प्रयासहरुले ठोस आकार ग्रहण गर्न नसक्दा एमालेको औपचारिक विभाजन सन्निकट बन्न पुगेको एमाले नेता कार्यकर्ताहरुले नै स्वीकार गरेका छन् ।

एमालेको विवाद नमिल्ने संकेत देखिएपछि अब ओली कसरी अघि बढ्लान् भन्ने चासो एमालेसहित अन्य राजनीतिक वृत्तमा समेत बढेको छ । यद्यपि ओलीले चाल्ने सम्भावित कदमबारे ओली निकट नेताहरुले मुख खोलिसकेका छैनन् । ओली निकट मानिने एमाले संसदीय दलका उपनेता समेत रहेका सुवासचन्द्र नेम्वाङ एकताका लागि अध्यक्षले गर्न सक्ने जति गरिसकेको भन्दै अब केही गर्न नसक्ने बताउँछन् ।

प्रधानमन्त्री केपी ओली अहिले चारैतिरको समस्यै समस्यामा घेरिएका छन् । एकातिर एमाले विवाद छ भने अर्कोतिर संसद वि’घटनविरुद्धको मु’द्दा । यो मुद्दा सर्वोच्चले बदर गरिदिए आफ्नो राजनीतिक भविस्य के हुने भन्ने ओलीमा सबभन्दा बढी चिन्ता छ । त्यसैले उनी सर्वोच्चले संसद विघटन सदर गरोस् भन्ने चाहान्छन् । त्यसका लागि उनले आफ्नो शक्ति भरमग्दुर प्रयोग गरिरहेका छन् । तर, घ’ट्नाक्रमहरुले सर्वोच्चबाट ओलीको पक्षमा फैसला नआउने देखिइसकेको छ ।

त्यही भएर नै उनले एमाले एकताका लागि भन्दै ६ बुँदे एकताको आह्वान गर्न पुगेको विश्लेषण समेत हुन थालेको छ । अर्कोतिर मन्त्रिमण्डल पुनर्गठनमा जसपालाई समावेश गरेपछि आफ्नै समूहमा बढेको असन्तुुष्टि र पूर्वमाओवादी केन्द्रबाट आएको रामबहादुर थापा पक्षको व्यवस्थापन ओलीका लागि चुनौतिको विषय बनेको छ ।पछिल्लोपटक मन्त्रिमण्डल पुनर्गठन गर्दा १० मन्त्री जसपालाई दिएका ओलीले सोही दिन पूर्वमाओवादीतर्फका २ जनालाई पनि मन्त्री बनाउने चाहाना राखेका थिए । सोहीअनुसार ओलीले बादल समूहलाई नाम दिन समेत भनेका थिए । तर, बादल समूहले तत्कालै मन्त्रिपरिषद विस्तार गर्न नहुने सुझाव दिएको थियो ।

ओलीनिकट एक नेता भन्छन्, ‘उहाँहरु चारजनाको भुमिकाप्रति हाम्रो कुनै गुनासो छैन । उहाँहरु अझै पनि आउन चाहानुभयो भने उचित स्थान पाउनुहुने नै छ ।’ ती नेताका अनुसार योगेश वा सुरेन्द्रलाई गृहमन्त्री दिनुपरे पनि प्रधानमन्त्री तयार छन् । तर, त्यसका लागि उनीहरुले केही दिनभित्रै कित्ता क्लियर गर्नुपर्ने हुन्छ । यता ओली समूहमै पनि गृहमन्त्रीका लागि महेश बस्नेतदेखि खगराज अधिकारीसमेत गृहमन्त्री बन्न दौडधूप गरिरहेका छन् ।स्रोत ; रातो पाटि