बैठकमा अध्यादेश फिर्ताबारे छलफलनै भएन

राजधानी पत्र December 17, 2020 मा प्रकाशित (२ साल अघि) अनुमानित पढ्ने समय : ० मिनेट

आज बसेको मन्त्रिपरिषद् बैठक संवैधानिक परिषद्सम्बन्धी अध्यादेश फिर्ता गर्ने विषयमा कुनै छलफल नभइ सकिएको छ। बिहीबार साँझ प्रधानमन्त्री निवास बालुवाटारमा बसेको बैठकमा अध्यादेशबारे कुनै प्रस्ताव नआएको एक मन्त्रीले सेतोपाटीलाई जानकारी दिए ।

नेकपा स्थायी कमिटी बैठकबाटै अध्यादेश फिर्ता लिने निर्णयको भएपछि आजको मन्त्रिपरिषद् बैठकबाट अध्यादेश फिर्ता लिने निर्णय हुने अपेक्षा गरिएको थियो ।अध्यादेश जारी गर्ने प्रस्ताव पनि यसअघि मन्त्रिपरिषद् बैठकमा छलफल नभएकाले फिर्ताको विषयमा पनि छलफल नभएको ती मन्त्रीले बताए । यसअघि पनि प्रधानमन्त्रीले मुख्य सचिवलाई निर्णय लेख्न लगाएर राष्ट्रपति समक्ष पठाइएकोले फिर्ता सम्बन्धी निर्णय पनि सोही प्रक्रियाबाट हुने ती मन्त्रीले जानकारी दिए ।