विप्लव र माधव नेपालबीच भेटबार्ता : भयो यस्तो सहमति..

July 15, 2021 मा प्रकाशित (२ साल अघि) अनुमानित पढ्ने समय : ० मिनेट

काठमाडौं । नेकपाका महासचिव नेत्रविक्रम चन्द (विप्लव) र पूर्वप्रधानमन्त्री तथा नेकपा एमालेका वरिष्ठ नेता माधवकुमार नेपालबीच भेटवार्ता भएको छ ।महासचिव विप्लव बिहीबार बिहान अर्का नेता धर्मेन्द्र वास्तोलासहित नेपाल निवास कोटेश्वरमा पुगेर भेटवार्ता गरेका हुन् । भेटवार्तामा समसामयिक राजनीतिक विषयमा छलफल भएको विप्लवको सचिवालयले जानकारी दिएको छ ।

महासचिव विप्लवले बुधबार मात्रै नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग उनकै निवासमा भेटवार्ता गरेका थिए ।प्रचण्डसँगको भेटमा समसामयिक राजनीतिक विषय र आफ्नो पार्टी र सरकारसँग भएको ३ बुँदे सहमति कार्यान्वयन सम्बन्धी छलफल भएको विप्लवको सचिवालयले जनाएको छ।

साथै : विप्लब ले नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा विप्लव समूहका महासचिव नेत्रविक्रम चन्द विप्लवबीच भेटवार्ता भएको छ ।२१ फागुन २०७७ मा सरकारसँग तीनबुँदे सहमति गरेर शान्तिपूर्ण राजनीतिमा आएका विप्लवले पार्टी नेता धर्मेन्द्र बास्तोला लिएर प्रचण्ड निवास खुमलटार पुगेका थिए

विप्लव समूहका नेताहरुका अनुसार ८ मंसिर २०७१ मा विप्लवले नयाँ पार्टी बनाएपछि प्रचण्डसँग सम्भवतः पहिलो पटक भेटवार्ता हो । शान्तिपूर्ण राजनीतिमा आएपछि दुई पटक तत्कालीन प्रधानमन्त्री केपी शर्मा ओलीलाई भेटेका उनले अरु दलका नेताहरुलाई भेटेका थिएनन् । प्रचण्डसँग पनि भेट भएको थिएन ।यद्यपि पार्टीका अरु नेताहरुले भने प्रचण्डलाई यसअघि पनि भेटेको विप्लव समूहका एक नेताले बताए ।बुधबार खुमलटारमा भएको भेटमा प्रचण्ड र विप्लव दुबैले विगतका दिन सम्झिएका थिए ।स्रोत;अनलाइनखबर