अमेरिकाले दिएको जोन्सन एण्ड जोन्सन खोप प्रधानमन्त्रीबाट उदघाटन : जोन्सन खोप तालिका यस्तो…

July 19, 2021 मा प्रकाशित (१ साल अघि) अनुमानित पढ्ने समय : १ मिनेट

कोरोना भाइरस विरूद्धको अमेरिकी कम्पनी जोन्सन एण्ड जोन्सनको (जोन्सन कोभिड-१९ भ्याक्सिन) खोप आजदेखि लगाउन सुरू भएको छ।प्रधानमन्त्री शेरबहादुर देउवाले सोमबार बिहान काठमाडौंको जोरपाटीस्थित नेपाल अर्थोपेडिक अस्पतालको खोप केन्द्रको अनुगमन गरेका थिए। उनले त्यहाँ आयोजित एक कार्यक्रममा स्वास्थ्यकर्मीहरूलाई खोप हस्तान्तरण गर्दै खोप अभियानको सुरूआत गरेका हुन्।

सो कार्यक्रममा काठमाडौंका लागि अमेरिकी राजदूत र्‍याण्डी बेरी सहभागी भएका थिए।प्रधानमन्त्री देउवाले खोप सहज रूपमा लगाउने प्रबन्ध मिलाउन निर्देशन गरेको ट्विटरमार्फत् जानकारी दिएका छन्।मेरो सरकारको प्राथमिकता सबैलाई कोरोनाविरूद्धको खोप हो। नेपाल अर्थोपेडिक अस्पताल जोरपाटीको खोप केन्द्रको स्थलगत अनुगमन गरेको छु। खोप सहज रूपमा लगाउने प्रबन्ध गर्न निर्देशन पनि गरेको छु,’ उनले भनेका छन्।

यो खोप आजदेखि ६ गतेसम्म काठमाडौंका ४४ वटा केन्द्रबाट दिइनेछ।अमेरिकाले नेपाललाई जोन्सन एण्ड जोन्सन कम्पनीको १५ लाख ३४ हजार ८५० डोज खोप अनुदानमा दिएको थियो।एक मात्रामात्रै लगाए पुग्ने खोप आजदेखि ५० देखि ५४ वर्ष उमेर समूहका, अपांगताको ‘क’ र ‘ख’ वर्षको परिचयपत्र पाएका, शरणार्थी, स्वास्थ्य संस्थामा कार्यरत स्वास्थ्यकर्मी र सरसफाइकर्मीहरूलाई दिन थालेको हो।जोन्सन एण्ड जोन्सनको खोप नेपालमा पहिलो पटक लगाइएको हो।स्रोत;सेतो पाटि