श्रीमती हिसिला यमीलाई मन्त्री बनाउन बाबुरामले भित्रभित्रै यतिसम्म गरिरहेको खुलासा !

श्रीमती हिसिला यमीलाई मन्त्री बनाउन बाबुरामले भित्रभित्रै यतिसम्म गरिरहेको खुलासा !

राजधानी पत्र August 2, 2021 मा प्रकाशित (२ साल अघि) अनुमानित पढ्ने समय : ० मिनेट

बाहिर विभिन्न माध्यमबाट जनताको मन जित्न बौद्धिक अभिव्यक्ती दिने पूर्वप्रधानमन्त्री तथा जनता समाजवादी पार्टीका शीर्ष नेता डा. बाबुराम भट्टराईले भित्रभित्रै कतिसम्म गर्दा रहेछन् भन्ने तथ्य बाहिरिएको छ । शेरबहादुर देउवा नेतृत्वको सरकारमा जनता समाजवादी पार्टी सहभागी हुने निश्चित भएसँगै डा. भट्टराईले सबैलाई अचम्मित पार्नेगरी गतिविधी गर्न थालेका हुन् ।

जसपाका संघीय परिषद अध्यक्ष समेत रहेका डा. भट्टराई गैरसांसदलाई मन्त्री बनाउन हात धोएरै लागेको तथ्य बाहिरिएको छ । आफ्नो समूहको अस्तित्व जोगाउन भन्दैँ बाबुरामले मन्त्रीमा भाग खोजेका हुन् ।

नयाँ शक्ति पार्टीबाट संघिय समाजवादी पार्टीहुँदै जसपामा आईपुगेका डा।भट्टराई समुहबाट उनिमात्रै एक्लै सांसद रहेका छन् । पूर्व प्रधानमन्त्री डा।भट्टराई आफै सरकारमा मन्त्रीको रुपमा सहभागी हुन नमिल्नेभएपछि आफ्नो समुहबाट गैर सांसदलाई मन्त्री बनाउन पार्टी अध्यक्ष उपेन्द्र यादवलाई दवाव दिईरहेका छन् ।

उनले आफ्नो समुहबाट दुई जना मन्त्री दावी गरिरहेका छन् । उनि सके दुई जना नसके एक जनाभएपनि मन्त्री बनाउने प्रयासमा छन् । यादव निकट स्रोतका अनुसार डा।भट्टराईले आफ्नो पत्नी एवम् जसपा नेतृ हिसिला यमीलाई मन्त्री बनाउन दवाव दिईरहेका छन् । उनले यमीलाई मन्त्री नबनाए नेता गंगा श्रेष्ठलाई मन्त्री बनाउनुपर्ने आफ्नो बटमलाईन भएको बताएका छन् ।

उनले आफ्नो समुहको अस्तित्व रक्षाका लागि भएपनी मन्त्री बनाउनै पर्ने यादवसँग बताएका छन् । उनले यादवले गडबडी गर्नसक्ने भयले प्रधानमन्त्री शेरबहादुर देउवादेखी नेकपा९ माओवादी केन्द्र०का अध्यक्ष प्रचण्डसम्मलाई त्यसका लागि वातावरण बनाईदिन आग्रह गरेको स्रोतले बतायो ।

उनले यो गठबन्धन बनाउन आफ्नो प्रमुख भूमिका रहेको भन्दै आफ्नो समुहका कुनै सांसद नरहेको परिस्थितीमा गैर सांसदलाई मन्त्री बनाउनु आफ्नो बाध्यता रहेको भन्दै सो बुझिदिन आग्रह गरेका छन् । जसपाको संसदीय दलको नेतामा पार्टी अध्यक्ष उपेन्द्र यादव आज निर्विरोध चयन भएका छन् ।