‘जसले ओली सरकारको बिरोध गर्छ, त्यसलाई टोल टोलमा साइवर सेना बनाएर ठीक पारिनेछ’- महेश बस्नेत

‘जसले ओली सरकारको बिरोध गर्छ, त्यसलाई टोल टोलमा साइवर सेना बनाएर ठीक पारिनेछ’- महेश बस्नेत

राजधानी पत्र December 19, 2020 मा प्रकाशित (२ साल अघि) अनुमानित पढ्ने समय : ० मिनेट

नेपाल कम्युनिष्ट पार्टीका अध्यक्ष केपी शर्मा ओली पछिल्लो कार्यशैलीले निकै विवादिन बनेका छन् । उनको दम्भले उकै पार्टीका नेताहरु ओलीसँग रिसाएका छन् । साघुँरो घेराभित्रको गुट चलाएर बसेका ओलीका अन्धभक्तहरु भने देशभरी नै रहेका छन् ।पछिल्लो समय नेकपाका अर्का नेता महेश बस्नेतले ओली सरकारको बचाउ गर्दै बिरोधीहरुलाई ठीक पार्ने योजना सुनाएका छन् । उनी युवा संघ नेपालका इन्चार्जसमेत रहेका छन् ।

महेश बस्नेतले सरकारविरूद्ध भ्रम फैलाउनेलाई ‘तह लगाउन’ टोल–टोलमा साइबर सेना गठन गर्न युवाहरूलाई निर्देशन दिएका छन् । नवलपुरको गैंंडाकोटमा शनिबार दिउँसो युवाहरूलाई यस्तो निर्देश्न दिएका हुन् ।बस्नेतले साइबर सेना बनाएर सरकारको प्रतिरक्षा गर्न निर्देशन दिएका थिए । विपक्षीहरूले सरकारविरूद्ध नियोजित रूपमा भ्रम फैलाएको आरोप उनको थियो । पूर्वउद्योगमन्त्री बस्नेतले योजनावद्ध रूपमा सामाजिक सञ्जालमा सरकारको बद्नाम भैरहेको दाबी गरे ।