वामदेव गौतमले गरेको ठोकुवाले प्रचण्ड र माधव नेपालको सम्बन्धविच्छेद हुने पक्का

राजधानी पत्र August 26, 2021 मा प्रकाशित (१ साल अघि) अनुमानित पढ्ने समय : ० मिनेट

नेकपा (एमाले) का उपाध्यक्ष वामदेव गौतमले नेकपा (माओवादी केन्द्र) सँग भुलेर पनि एकता गर्न नहुने टिप्पणी गरेका छन् । उनले प्रचण्डसँग कुनै पनि हालतमा एकता गर्न नहुने बताएका हुन्। गौतमको उक्त अभिव्यक्तीपछि माओवादी लगायत सँग एकता गर्ने घोषणा गरेका एकीकृत समाजवादी पार्टीका अध्यक्ष माधव नेपाल र माओवादी अध्यक्ष प्रचण्डलाई सबैभन्दा ठूलो धक्का लाग्ने देखिएको हो ।

नेता गौतमले प्राइम टेलिभिजनमा ऋषि धमलासँगको अन्तरवार्तामा एमालेले माओवादीसँग एकता गर्न नहुने तर्क राखेका हुन्। उनले माओवादी केन्द्रसँग १७ हजार जनताको रगतमा टेकेर बनेको ऐतिहासिक पृष्ठभूमि रहेको र एमाले संसदीय संघर्षको पृष्ठभूमिबाट बनेको भन्दै एकता सम्भव नभएको दाबी गरे।

माओवादी र एमालेबीच एकता हुँदा आधा–आधा कार्यकाल प्रधानमन्त्री हुने कुनै सम्झौता नगरेको पनि उनले बताए। गौतमले केपी शर्मा ओली, पुष्पकमल दाहाल ’प्रचण्ड’ र नारायणकाजी श्रेष्ठले बालुवाटारमा मध्यरातमा कार्यकाल आधा–आधा बाँड्ने सम्झौता गरेर आफूहरूलाई सुनाएको मात्रै बताए।आफूलाई एकताको जिम्मा दिए ओली र नेपाललाई मिलाएरै छाड्ने उनले दाबी गरे। गौतमले आफूलाई हराउन केपी शर्मा ओली नै लागिपरेको बताए। प्रधानमन्त्रीको उम्मेदवार भनेर बर्दियाका जनताले प्रचार गरेकै कारण आफूलाई ओलीको नेतृत्वले नै हराएको पनि गौतमले दाबी गरे।

एमालेबाट विभाजित भइ नेकपा (एकीकृत समाजवादी) पार्टी गठन गरेका माधवकुमार नेपालले सहकार्यबारे आफूसँग सांगठनिक हैसियतले प्रस्ताव नगरेको पनि उनले बताएका छन्‌। अब नेपाल नेतृत्वको पार्टीमा प्रवेश गरी सरकारमा सहभागी हुने कुनै सम्भावना नभएको उनको भनाइ छ। अनलाइन मार्गबाट