विराटनगर । मोरङका उद्योगीहरुले नेपाल आत्मनिर्भर बनिसकेका वस्तुको आयातमा लाग्ने भन्सार शुल्क बढाउन माग गरेका छन् । आयात प्रतिस्थापनको नीति कार्यान्वयनमा यसले सघाउ पुग्ने उनीहरुको भनाइ छ ।
शनिबार उद्योग तथा वाणिज्य र श्रम तथा उपभोक्ता हित समितिका पदाधिकारीहरुसँगको अन्तरक्रियामा उद्योगीहरुले यस्तो माग गरेका हुन् । उद्योगीहरुको भनाइमा समितिका पदाधिकारीहरुले सकारात्मक प्रतिक्रिया दिएका छन् ।
समितिका सभापति विमलप्रसाद श्रीवास्तवको प्रमुख आतिथ्यमा मोरङ व्यापार संघले आयोजना गरेको उद्योग वाणिज्यको क्षेत्रका समस्या तथा समाधान विषयको अन्तरक्रियामा उद्योगी तथा व्यवसायीहरुको गुनासो सुनेपछि समितिका सभापति श्रीवास्तवले उत्पादनमा आत्मनिर्भर उद्योगहरुलाई प्रोत्साहन गर्न त्यस्तै तयारी वस्तुको आयात निरुत्साहन गर्न भन्सार महशुल बढाउनु पर्नेमा आफु सहमत रहेको उल्लेख गरे ।
उनले आफुले राजधानी र्फिकएपछि सम्बन्धित मन्त्रालयका मन्त्रीहरुलाई त्यस कार्यका लागि निर्देशन दिनेसमेत बताए । उनले खाद्यान्न उद्योग, विस्कुट उद्योग, चप्पल उद्योग, लगायतका उद्योगहरुको उत्पादनले नेपाली उपभोक्तालाई पुगिरहेकाले बाहिरबाट मगाउनु पर्ने अवस्था नरहेको उल्लेख गर्दै बंगलादेशबाट अनियन्त्रित रुपमा आइरहेको जुसको भन्सार शुल्क बढाएपछि आउन छाडेको प्रसंग उल्लेख गर्दै आत्मनिर्भर उद्योगलाई प्रोत्साहन गरिनुपर्नेमा आफू सकारात्मक रहेको श्रीवास्तवले बताए ।
मोरङ व्यापार संघका कार्यवाहक अध्यक्ष नविन रिजालले संसदीय टोलीलाई स्वागत गर्दै पछिल्लो समय कोभिडका कारण थला परेका उद्योगहरुलाई चलायमान बनाउन सरकारले ल्याएको मौद्रिक नीति र आर्थिक विधेयकको कार्यान्वयनमा जोड दिए । उनले सरकारले पछिल्लो पटक स्टिल उद्योगहरुमा लागि गरेको नीतिले सिमित उद्योगहरु नाफामा जाने र धेरै उद्योगहरु बन्द हुने अवस्था पुग्नु दुखद भएको पनि बताए । उद्योग संगठन मोरङका वरिष्ठ उपाध्यक्ष प्रदिप मुरारकाले स्टिल उद्योगका लागि सरकारले गरेको निणर्यलाई स्वागत गरे ।
उनले अन्य उद्योगले पनि बजारमा प्रतिस्पर्धा गर्न सक्नेगरी सरकारले मौका दिनु पर्ने बताए । उनले खाने तेलको अन्तराष्ट्रिय बजारमा मूल्य बृद्धि भएका कारण नेपालको बजारमा पनि खानेतेलको मूल्य बढेको बताए ।
नेपाल उद्योग परिसंघका वरिष्ठ उपाध्यक्ष कृष्ण अग्रवालले विद्युतको अनियमितताले उद्योगीहरु पीडित बनेको र उद्योगका बोइलरबाट उत्पादित बिजुली सरकारले किनिदिनु पर्ने माग गरे । मोरङ ब्यापार संघका उपाध्यक्ष विकास वेगवानीले यस अघिको सरकारका अर्थमन्त्रीले चकलेटलाई भन्सार छुट दिदा गहँुमा भन्सार थप गरिदिएकाले आम सर्बसाधरणले बिहान बेलुका खाने रोटी मंहगो बनाइदिएको उल्लेख गरे । गहँुमा लाग्दै आएको ड्यूटी हट्नु पर्ने माग उनले गरे ।
संघका बरिष्ठ उपाध्यक्ष अनिल शारडाले अर्थमन्त्रीले ल्याएको संशोधित बजेटमा स्टिल उद्योगका लागि गरिएको कच्चा पदार्थमा दिइएको छुट र बिलेटमा अन्तशुल्क थपिदा अर्थमन्त्री औद्योगिकीकरणको पक्षमा कि विपक्षमा भन्ने दोधार भएको उल्लेख गरे । ८ वटा स्टिल उद्योगले ल्याउने स्पन्ज आइरन र स्क्राबमा भन्सार शुन्य र अन्तशुल्क पनि शुन्य गर्नु र २२ वटा उद्योगले ल्याउने एमएस ब्लेडमा भने अन्तशुल्क बढाउनुले एकै खाले उद्योगमा सरकारको दोहोरो नीति देखिएको उनले बताए । सरकारको यो निर्णणले सरकारलाई वार्षिक १० अर्बको क्षति पुगेको उनले दाबी गरे ।
उद्योगी अमित शारडाले नेपाली विस्कुट उद्योगहरु आत्मनिर्भर भएकाले भारतबाट आउने विस्कुट प्रतिबन्ध गरिनुपर्ने उल्लेख गरे ।लकडाउनका बेला भारतीय नाका बन्द हुँदा नेपाली विस्कुटले नेपालको माग धानेकाले आयात हुने विस्कुटलाई निरुत्साहन गरी नेपाली उद्योगलाई बचाउनु पर्ने माग राखे । कार्यक्रममा उद्योग वन पर्यटन मन्त्रालयका अधिकृत कृष्ण पौडेल, मजदुर युनियन जिफन्टका प्रदेश अध्यक्ष किशोर धमला, वन पैदावर उद्योग व्यवसाय महासंघका प्रदेश १ का उपाध्यक्ष बाबुराम घिमिरे समेतले आ–आफ्ना भनाइ राखेका थिए ।
xyz,नेपाल
ईमेल: rajdhanipatra@gmail.com
कार्यालय फोन : xxxxxxxxx
स्थायी लेखा नम्बर : xxxxxxxxx
कम्पनी दर्ता नम्बर : xxxxxxx
अधक्ष्य/संचालक : xxxxxxx
प्रधान सम्पादक : xxxxxx
प्रकाशक : xxxxxx
अफिसियल फोटोग्राफर : xxxxxxx
ग्राफिक डिजाइनर : xxxxxx
हजारौं सपना बोकेर अस्ट्रेलिया पुगेकी २२ वर्षीय नेपाल युवती चिसो बा’कासमा नेपाल फर्किइन
रुसद्वारा युक्रेनको आवासीय भवनमा क्षेप्यास्त्र आक्रमण : ३६ जनाको मृत्यु
एकैछिनमा जहाज गति गुमाउँदै भूइँमा खस्यो, बचाउ बचाउ भन्ने आवाज सुनियो
बिहान काठमाडौं उत्रिएर पोखरा घुम्न गएका थिए, यी कोरियन बाबुछोरा
प्रतिक्रिया दिनुहोस