घरको नजिकै लगाउनु हुँदैन यस्ता बिरुवा

November 4, 2021 मा प्रकाशित (१ साल अघि) अनुमानित पढ्ने समय : ० मिनेट

हिन्दू धर्ममा बोट बिरुवाहरुलाई निकै महत्व दिएको पाईन्छ । यस्तै वास्तुशास्त्रमा पनि आफ्नो घरको नजिकै कस्ता प्रकारका बिरुवा लगाउदा शुभ हुन्छ र कस्ता प्रकारका बिरुवा लगाउदा अशुभ हुन्छ भन्ने कुराको जानकारी दिएको पाईन्छ । यहाँ आफ्नो घर नजिकै कस्ता बिरुवा लगाउनु हुँदैन भन्ने कुराको जानकारी राख्दै छौ यस्ता रुख बिरुवा घरको आस पास रोप्नु भयो भने घरमा अशांति, र दरिद्रताको बास हुन्छ भन्ने मान्यता पाईन्छ । आफ्नो घर नजिकै कस्ता रुख बिरुवा लगाउनु हुँदैन त ?

इमलीको रुख : वास्तुशास्त्रको अनुसार आफ्नो घर भित्र वा घरको आसपास इमलीको रुख हुनु राम्रो मानिएको छैन जुन घरको नजिकै इमलीको रुख हुन्छ त्यो घरका परिवारका सदस्यहरु बिमार हुने घरमा बिभिन्न किसिमका समस्याहरु देखिने हुन्छ र त्यो घरका सदस्यको प्रगतीमा बाधा उत्पन्न हुन्छ भन्ने मान्यता पाईन्छ ।

खजूर : घरको बगैचामा वा घरको नजिकै खजूरको रुख हुनु अशुभ मानिन्छ । बास्तुको अनुसार खजूरको रुख घर नजिकै हुनुले अत्याधिक धन नाश हुन्छ र अनाबश्यक खर्च हुने गर्दछ ।

दूध निस्कने खालका रुख : जुन रुख बिरुवाबाट सेतो दुध जस्तै चोप आउने.गर्दछ त्यस्ता रुख बिरुवा घरमा हुनु अशुभ मानिन्छ यस्ता रुख बिरुवा घर वरीपरी लगाउदा नकारात्मकता भित्रन्छ र सन्तानलाई पनि बाधा उत्पन्न हुन्छ भन्ने गरिन्छ ।

काँडा भएका रुख बिरुवा : बास्तुको अनुसार घर वरिपरी काँडा भएका रुख बिरुवा लगाउनु अशुभ मानिएको छ । बास्तुको अनुसार काँडा भएका रुख बिरुवा घर वरीपरी लगाउदा अशांति र दरिद्रता भित्रन्छ भन्ने मान्यता पाईन्छ । यसकारण बास्तु शास्त्रमा विश्वाश लाग्छ भन्ने यस्ता प्रकारका बिरुवा हरु आफ्नो घरमा बगैचामा नलगाउनु नै उत्तम हुन्छ ।