नेपाल इन्भेष्टमेण्ट एण्ड हिमालयन बैंक: सफ्टवयरको वि वाद टुंगियो

राजधानी पत्र November 5, 2021 मा प्रकाशित (१ साल अघि) अनुमानित पढ्ने समय : ३ मिनेट

दुई ठूला र पुराना बैंक आपसमा गाभिने प्रयास अघि बढेको छ । हिमालयन र नेपाल इन्भेष्टमेण्ट बैंक आपसमा गाभिएर ‘हिमालयन एण्ड नेपाल इन्भेष्टमेण्ट’ बैंक बनाउने योजना अनुसार मर्जरका थुप्रै तयारी सकिइसकेको हिमालयन बैंकका प्रमुख कार्यकारी अधिकृत अशोक शमशेर जबराले बताए ।

बैंकको कोर बैंकिङ प्रणालीका लागि कुन सफ्टवयर लिने भन्ने लामो वि बाद गत सोमबार टुंगिएको छ । मर्जरपछि बन्ने बैंकको समेत प्रमुख कार्यकारी अधिकृत तय भएका राणाका अनुसार अहिले हिमालयनले चलाइरहेको ‘टी ट्वेण्टिफोर (टी २४)’ सफ्टवयर नै प्रयोग हुने भएको छ । नेपाल इन्भेष्टमेण्टले भने फिनाकल सफ्टवयर प्रयोग गरिरहेको छ ।

फिनाकल भारतीय आईटी कम्पनी ‘इन्फोसिस’को सहायक कम्पनी ‘एज–भर्भ सिस्टम्स’ले बनाएको सफ्टवयर हो । यसलाई ‘इन्फोसिस फिनाकल’ नै भनिन्छ । यो सफ्टवयर संसारभरका ९४ मुलुकका बैंकहरुले प्रयोग गरिरहेको वेलायतबाट प्रकाशन हुने ‘फाइनान्सियल आईटी’ले लेखेको छ ।

नेपालमा पनि धेरैजसो बैंकले फिनाकलकै सफ्टयर प्रयोग गरेका छन् । ‘टी २४’ चाहीँ स्वीट्जरल्याण्डको कम्पनी ‘टेमिनस’को उत्पादन हो । टेमिनसको सफ्टवयर संसारमा सबैभन्दा बढी रुचाइएको छ । यो सफ्टवयर पछिल्लो डेढ दशकयता विश्वकै सबैभन्दा सुरक्षित बैंकिङ सफ्टवयर मानिन्छ । यसमा बैंकको भित्र र बाहिर प्रयोग हुने सबै प्रणालीहरु समावेश भएका कारण पनि यसको सुरक्षा संयन्त्र बलियो मानिन्छ ।

यो सफ्टवयर युरोपमा अत्यन्त रुचाइएको छ । नेपालमा थोरै बैंकसँगमात्रै यो सफ्टवयर छ । दुबै सफ्टवयर विश्वब्यापी न्यूनतम सुरक्षा मापदण्डमा योग्य भएकाले फिनाकल प्रयोग गर्न इन्भेष्टमेण्ट पक्षको जोड थियो । फिनाकल तुलनात्मक रुपले सस्तो र किफायति पर्छ । भारतीय उत्पादन भएको र यसको मर्मत तथा नियमित स्तरोन्नतीका लागि लाग्ने खर्च समेत टेमिनासको तुलनामा निकै कम पर्छ ।

यही कारण फिनाकल प्रयोग गर्न सुझाव बढी आए पनि संसारकै सबैभन्दा ठूलो र विकसित मुलुकमा रुचाइएको सफ्टवयर प्रयोग गर्ने सहमति जुटेको राणाले बताए ।

सफ्टवयरमा सहमति जुटेपछि अब बैंकको ‘लोगो’ कस्तो बनाउने भन्ने बारेमा ब हस चलेको छ । सम्भवतः आजै मर्जर समितिको बैठकले लोगो तय गर्नसक्ने सम्बन्धित बैंकरले बताएका छन् । लोगो तय भइसकेपछि आजै दुबै बैंकको साधारण सभाबारे मिति तोक्न सक्ने छ । दुबै बैंकलाई राष्ट्र बैंकले मर्जरअघिको साधारण सभा गर्ने स्वीकृति दिइसकेको छ ।

गत आइतबार नेपाल इन्भेष्टमेण्टलाई र सोमबार हिमालयन बैंकलाई वार्षिक साधारण सभा गर्ने स्वीकृति राष्ट्र बैंकले दिएको बैंकरले बताएका छन् । धेरै एजेण्डाहरु साधारण सभामा लानु पर्ने भएकाले छिट्टै साधारण सभाको मिति तोक्ने राणाले बताए ।