बैतडीमा बदेलको आक्रमणमा परि १ जनाको निधन, १ जनाको अबस्था गम्भीर…

राजधानी पत्र January 25, 2022 मा प्रकाशित (१ साल अघि) अनुमानित पढ्ने समय : २ मिनेट

माघ ११ गते, बैतडी । बैतडीको दोगडाकेदार १ घोरडी टोलमा बदेलको आक्रमणबाट घाइते भएका एक जनाको मृत्यु भएको छ । मन्नाम जोसी भनेर चिनिने ७७ वर्षीय मनोरथ जोशीको उपचारका क्रममा डडेल्ध्ुरा अस्पतालमा मृत्यु भएको कुरा हाम्रा समाचारदाताले जनाएका छन् । पानि लिन धारामा जाने भनेर घर बाट हिडेका मनोरथ जोशीलाई जंगलबाट आएको बदेलको हुलले बीच बाटोमै आक्रमण गरेको थियो । मृतक जोशीको घर बाट पानीको धारा करीब १० मेनेटको बाटोमा पर्दछ तर जोशी घरबाट २ मिनेट मात्रै के हिडेका थिए, जंगल बाट आएको बदेल्को हुलले उनीमाथि आक्रमण गर्यो । स्रोतका अनुसार जोशी भन्दा अगाडी बाटोमै हिडिरहेका अन्य ३ जनालाई समेत त्यहि बदेलको हुलले आक्रमण गरि घाइते पारेको र मचीदै आएको बदेल्को हुलले पानिलिन धारामा जादै गरेका मनोरथ जोशीलाई पनि छोडेन  र आक्रमण सुरु गर्यो । निकै पातलो बस्ति रहेको गाउँमा यसरी पसेको बदेल्को हुलले निकै निर्दयी घटना घटायो । स्रोतका अनुसार मृतक जोशीको कम्मर मुनिको शरीरको भागमा बदेल्को हुलले टोकेर शरीरको माशुनै निकाली अकल्पनीय ढंगले माशु लुछेर खाएको र अन्य बिभिन्न भागमा पनि टोकेर घाउ बनाएको थियो । बदेलको आक्रमण बाट घाइते जोशीलाई बचाउन सकिन्छ कि भनेर घर बाट निकै टाढा सम्म बोकेर एम्बुलेन्समा हाली उपचारको लागि डडेल्धुरा लगिएको थियो । तर अपसोच अस्पताल पुगाउना साथ् अस्पताल प्रशाशनले मृत्यु भैसकेको भनि घोसणा गरेको कुरा हाम्रा सम्बाददाताले जनाएका छन् ।  अर्का गम्भिर घाइते बले कार्की भनेर चिनिने  ४५  वर्षीय बल बहादुर कार्कीलाई धनगढी रिफर गरिएको छ । ५५ वर्षीय हरीदत्त जोसी र ४२ वर्षीय बिरभान सार्की समान्य घाइते भएका थिए । साँझ करिब ६ बजेको समयमा गाउँमै पसेर बदेलले आक्रमण गरेको थियो । आक्रमणबाट चार जना घाइते भएका थिए ।  पिचडिएको क्षेत्र बैतडीमा सुबिधा सम्पन्न अस्पताल भैदिएको भए  घाइतेहरुको समयमै उपचार हुन् सक्थ्यो  र मृतक जोशीलाई पनि बचाउन सकिन्थ्यो होला तर बिडम्बना यो छ की त्यो क्षेत्रमा नाम मात्रको अस्पताल छ, यो कुरा राज्यले हेर्न जरुरी छ । हेर्नुहोस भिडियोमा एक रिपोर्ट