कण्डमको मूल्य १ लाख रुपैयाँ पुगेपछि…

July 9, 2022 मा प्रकाशित (१ साल अघि) अनुमानित पढ्ने समय : ० मिनेट

संसारका धेरै देशहरुमा सरकारले अस्थायी साधन कण्डम जनतालाई सित्तैमा उपलब्ध गराउँछ । तर एउटा देश यस्तो छ जहाँ कण्डमको मूल्यमा चरम वृद्धि हुँदा जनतामा हाहाकार मच्चिएको छ । उक्त देशमा कण्डमको एक प्याकेटको मूल्य झण्डै एक लाख रुपैयाँ पुगेको छ ।

कण्डमको मूल्य अस्वभाविक रुपमा बढेको देश हो भेनेजुयला । उक्त दक्षिण अमेरिकी मुलुकमा एक प्याकेट कण्डम ९६ हजार रुपैयाँ बराबरको मूल्यमा बिक्री भैरहेको छ ।यति महँगो हुँदाहुँदै पनि कण्डम किन्नका लागि औषधि पसल तथा कण्डम पाइने स्टोरहरू बाहिर मानिसहरुको ठूलो भीड लाग्ने गरेको छ । कण्डम मात्र होइन गर्भनिरोधक पिल्सको मूल्यले पनि भेनेजुयलामा आकाश छोएको छ ।संयुक्त राष्ट्रसंघको विश्व जनसंख्या रिपोर्ट सन् २०१५ अनुसार भेनेजुयलामा किशोरीहरुमा गर्भाधारणको सबैभन्दा धेरै घटना सार्वजनिक भएका थिए । अविवाहित किशोरीहरू गर्भवती हुने मामिलामा भेनेजुयला दक्षिण अमेरिकामै सबैभन्दा अगाडि छ ।
अनलाइन खबर बाट सवार गरिएको