बैगुनी केटो पुक्क लात्ता हानेर भाग्यो, आखिर किन ? प्रधानमन्त्री ओलि

January 16, 2021 मा प्रकाशित (२ साल अघि) अनुमानित पढ्ने समय : १ मिनेट

काठमाडौं । प्रधानमन्त्री केपी शर्मा ओलीले आफूले जनतालाई हसाउन खोज्दा पीर नगर्न आग्रह गरेका छन् । प्रचण्ड–नेपाल पक्षले जनता रुवाउने भन्दै उनले आफूले  हसाउँन खोज्दा उनीहरुले नै पीर मानेको बताए ।मारेर पनि रुवाएको छ । कुटेर पनि रुवाएको छ । अनि मैले हँसाए भनेर पीर परेको छ । जोक्करै रहेछ । हसारै खत्तम पार्‍यो भन्छन् ।

नेपाली जनता हाँसेकोमा किन पीर परेको होला अचम्म लाग्छ,’ उनले भने । उनले  अब पनि नेपाली जनतालाई रुवाउन नदिने बताए ।किशोकिशोरी, युवायुवती, हाम्रा बाआमामा अनुहारमा मुस्कान ल्याउन चाहन्छु । मजदुर किसानका अनुहारमा मुस्कान ल्याउन चाहुन्छु । त्यसलै हामीले थुप्रै काम गरिरहेका छौँ । बालबालिका चेहेरामा मुस्कान हुनुपर्छ ।

सरकारकारले अभिभावकको काम गर्नु पर्छ मैले भनेको छु,’ उनले भने ।यस्तै उनले आगामी निर्वाचनबाट नै जनताले सही र गलतको फैसला गर्ने बताएका छन्। निर्वाचन नचाहनेहरू डराइरहेको उनको भनाइ छ।अहिले निर्वाचनमा जाँदा देश संकटमा पर्‍यो भनिरहेका छन्,’ उनले भने, ‘यिनीहरूको योजना त सत्ता कब्जा गर्ने सोच रहेछ, अदालतले स्वतन्त्ररूपले फैसला गर्न पाउनुपर्छ।’उनले भने, ‘बैगुनी केटाकेटीबारे केही भन्नु छैन ।

आफू दौडेर गएर केटालाई जिताएर पठाउनुस् मन्त्री बनाएर पठाउछु भनेँ । मन्त्री पनि बनाइयो । एक दिन पुक्क लात्ताले हानेर भाग्यो । को रहेछ भनेर यसो हेरेको त उही (योगेश भट्टराई) केटो पो रहेछ ।’योगेशले आफूलाई छाडेर हिँडे पनि युवाहरुको कमी नभएको उनले बताए। ‘हामी त्यस्तो कुरामा अल्झिदैँनौँ, उनले भने, एउटा केटोले छाडेर केही हुँदैन। युवाहरुको हामीलाई कुनै कमी छैन,’ उनले भने नयाँ युवालाई समेटेर अघि बढ्ने र प्रदेश १ ले चुनावमा पनि एक नम्बर नै बन्नुपर्ने ओलीको भनाइ थियो ।

२०७४ मंसिरमा भएको प्रतिनिधिसभा निर्वाचनमा ताप्लेजुङको चुनावी सभामा ओलीले ‘तपाईंहरु योगेश भट्टराईलाई चुनाव जिताएर पठाउनु, मन्त्री बनाउने जिम्मा मेरो’भनेर भाषण गरेका थिए। पछि ओलीले मन्त्री बनाए पनि प्रतिनिधिसभा विघटनको निर्णयप्रति आपत्ति जनाउँदै भट्टराईसहित प्रचण्ड-नेपाल समूहका सातजना मन्त्रीले गत पुस ५ गते सामूहिक राजीनामा दिएका थिए। यतिबेला प्रचण्ड नेपाल समूहमा भट्टराई ओलीविरुद्धको मार्चाको अग्रपंक्तिमा देखिएकाले ओलीले उक्त कटाक्ष गरेको देखिन्छ।     स्रोत : रातोपाटी